البارت السادس
رادت تسده طاحت منه ورقة رفعتها من الأرض ونصدمت بلي بيها صورة مرسومة وهاي صورتها ومكتوب يمها شعر غزلي....
حتى استحت من قرت الشعر كلش يخجل..فتحت عيونها عالآخر وكالت عزززاااا...اني شفايفي هيج يكول عنهن عزاااا....
عقدت حواجبها ومعجبتها السالفة شنو هاي شلون ومنو هذا راسمها ولاااا كاتب شعر غزل بصف الرسمة شنو هالطياح الحظ....
ومن صار يوم ثاني راحت الدوام وتستحي تروح تودي اله السجل بعد الي قرته والي شافته بالورقة يعني كاتب شعر غزلي يوصف شفايفها ولا يريد بوستهن النذل...
انطتهن لأساور وسولفتلها السالفة كلتلها ولج هذا الي لاحظته يباوع عليج هواي...كلتلها رقية رجعيله سجله وكليله...
اساور الخبيثة😂 شسوت كلتلها هسة اجي وكامت راحت صاحتله وكلتله يمنه شي الك...
واجه ركض العاشق الولهان...
ورقية تفاجئت بوكفته كبالها..ظلت تباوع لأساور بعدم فهم..وتباوعله وصار وجهها احمر من الخجل من تتذكر شكاتب بصف رسمتها...
ظلت مصنمة ماتعرف شتكول...
كلها سجلي عندج لو سمحتي اكدر اخذه...
وهي ضاجت من وقاحته وتذكرت الكاتبة عليها بالورقة ومن الثول ماغلست ولا كأنها ماشافت شي...
طلعت الرسمة وشككتها كدامه وكلتله ماتستحي شهل المهزلة انه بت عالم وناس محترمين شهل المهزلة عيب عليك ماعندك خوات...
فاجئها برده وكلها لا ماعندي ولا اخت..كلتله امك كال امي متوفية...كامت وشمرت السجل عالأستيج وراحت وهي معصبة كلش....
ظلت تحاجي نفسها على كيف...مايستحي انه ليش ماتفلت بوجهه على الي كاتبه..امداي...لا غبية لو مغلسة هسة شيكول....
ومرت ايام ونفس الحجي متغير شي كرار ويه حبيبته متمسك بيها...
هشام تعب من سالفة امه حتى الناس ظلو يكلوله اخذ مرت اخوك حتى تحتوي جهال اخوك وهي حرمة ماعدها احد ولجم دوب راح تبقه عدكم...
هشام مظطر يقبل بالأمر ويعقد على عليها بس بالشكل راح يعقد عليها...
كرار رافض الفكرة ومو راضي ابوه يزوج مرت عمه..لذلك صيح عليهم وكلهم شي مو براضتي ميصير...
هشام حاجاه وفهمه موقفه بس بقه مصر ورافض....
اليوم جابو السيد يعقد لهشام وايمان...طبعاً هي قبلت وكيفت وتكول هشام ميتفوت وهم اصير انه مرت الشيخ والكل بالكل...
بس صدمها هشام بشرطه وهو انو زواجه منها شكلي وبس بالورق...وحاصرها حتى متكدر ترفض خيرها بين جهالها او تقبل الشرط...
قبلت بس على امل انو تكدر تغير فكرة هشام عن زواج بس بالشكل وتكول مثله مثل اي رجال مستحيل يتحمل مرة يمه حلاله وميتقربلها...
تكول احسن ما اخسر جهالي والورث..العريس الي اجاني وطار وين الكه مثل هشام....
حضرو للعقد وكرار طلع من البيت مارضه يحضره وهو كلش معصب وضايج....
وتم العقد وايمان فرحانة بالرغم تعرف هشام مراح يجيها...بس هالشرط جان سر بينهم بالبيت يعني الناس ماعدهم علم..ولا امه وابوه يعرفون يعني بينه وبينها بس...
كرار رجع متأخر للبيت كلش متأخر الساعة بال3 الفجر وابوه كاعد بره بالطارمة ينتظره لحد هسة واول مافتح باب البيت صار بوجهه ابوه...
هشام بعصبية:وين جنت لهل الوكت وادك عليك ماترد ليش
كرار بهدوء:كلت يمكن مشغول توك عريس واكيد لازم تتهنه ويه ست ايمان الي باعت اخوك وعشرته بأقرب شخص اله
هشام بعصبية:وهيج تحاجي ابوك..كبرت وصاير بلا احترام تعرف
كرار دنك:اسف بويه..بس تدري بمعزة عمي عندي وماقبلت انك تاخذ مرته وجهاله
هشام تنهد بحسرات:تعال اكعد..وكعده على كرويته الحديقة وكعد بصفه..يمكن الي راح احجي ماتقتنع بي بس راح اكلك اياها من الأخير..حرمة اخوي مستحيل تدنه نفسي عليها واقابلها كزوج..عقدت عليها ادري قرار بي ظلم الها بس اخوي اعز من روحي وجهاله امانة ماكدر افرط بيهم..اريدهم يربون بيني وبين امهم كذلك ويتعلمون عاداتنه مو يجي رجال غريب يربيهم
كرار بقهر:اسف بويه والله ماقصدي اصير اناني..وفكرت بيك انته لو متزوج اي بنية عادي وماعترض وافرحلك من كلبي بس ايمان لا..هاي وحدة شرية وراح اتعبك
هشام ابتسم:وتخاف على ابوك من مرة ولك كرار ابوك اسد مو مرة الي تخوفه
كرار ابتسم:لا اعرفك بويه شيخ وابن شيوخ وتاج راسي انته..وكام باس راسه..سامحني على الاعتراض وقلة احترامك
هشام:مسامحك..بس سالفة التأخير مانسيتها وماسامحك.. وعليها عقاب..وين جنت
كرار:جنت كاعد بحدي يم مشتل
هشام:اهااا ولهسة كاعد يم مشتل..زين ماكال صاحب المشتل هذا عصابجي واكف بسيارته يم مشتلي
كرار:شسالفة بويه احنه مو بوسط مافيات
هشام:انطيني تلفونك
كرار كام:لا بويه الا التلفون ماتشوف انه كبرت على هالعقاب
هشام:يالله عوف التلفون..انطيني السويج بعد ماكو سيارة لمن تتعلم ماتتأخر لهل الوقت واتوب مرة ثانية
كرار:لا بروح جدك ياشيخ هو مصار هواي من اخذتها الي حتى ماتهنيت بيها
هشام:وشكلك راح تنحرم منها اكثر اذا اسمعت اعتراض ثاني
كرار تنهد بقهر ونطه ابوه السويج:زين بويه اخذها الجمعة..شلون اروح دوامي بالله
هشام:واحد من الولد يوديك لو حازم يوصلك ويجي ياخذك
كرار:اااخ من عقابك ياشيخ..بس لا من ازوج تاخذ مرتي عقاب الي هههههه
هشام:خوش فكرة حتى تحسب حساب لأفعالك
كرار ضحك:خل اروح انام لا ايصير العقاب اشياء ثانية بعد..عاد الا انحرم من مرتي لا هاي عقاب جبير
هشام ضحك وكام اخذ سويج السيارة وكله كرار دخلها بالكراج على الأقل كله روح مالك علاقة بعد...
ايمان جاي تباوع من الشباك على هشام وكرار...حست بغيرة مو طبيعية شكد مهتم لأبنه وكاعد ينتظره بره لهل الساعة ولا نام دقيقة...
وطبعاً هي من مساع تراقبه وهو يروح ويجي بالحديقة ومعصب وماترك تلفونه ويدك على ابنه...
هشام راح لغرفته ونام وكرار اخذ تلفونه يراسل حبيبته يشوفها نامت لولا لأن من مساع يراسلها كلها راح ارجع البيت واراسلج...
جانت كاعدة تنتظره حاجاها وسوه تلفونه صامت ونام مايريد ازعاج....
يوم ثاني...
طبعاً جهال عزام ولد عمره 6سنوات هاي الجبير ولد ثاني عمره 4 سنوات والبنية 3 سنوات من اتوفه ابوها جانت سنتين...
البنية كلش تحب عمها وعمتها رقية تموت عليهم وكله يمهم..وحتى بيبيتهم تهتم الهم وشايلتهم بعيونها..بس ايمان من يوم مات عزام وهي متشيخة ومتكبرة ومتتحاجه...
كرار ماكعد غير العصر..اول مافتح تلفونه شاف رسايل ومكالمات من نسمة كومة..فتحهن...
نسمة كاتبتله:كرار الحكني ابوي يريدني اتزوج ابن عمي غصبن عليه فدوة كرار جاوبني بسرعة..تعال ساعدني سوي اي شي فدوة ماكدر اتزوج غيرك وابوي يريد يجبرني...
وكاتبتله كومة رسايل وداكه عليه شكثر...كام دك عليها وهو يريد ينفجر من العصبية شنو يجبرها تزوج وهو ينتظر فرصة يروح يحاجي ابوها مرة الخ...
نسمة ردت بخوف:الوو كرار وينك كسرت التلفون عليك
كرار بعصبية:ولج شصاير وشنو هالحجي الكاتبته تشاقين لو شنو تره ماناقص شقاج اعصابي ماتتحمل
نسمة ببجي:ماشاقه كرار هل الأسبوع يردون يعقدولي على ابن عمي..ياشقه هسة وقت شقه راح يجبروني اتزوجه تفتهم ما بيدي شي انه لا حول ولا قوة اعترضت وابوي عصب وكلب الدنيا وكال غير ابن عمج ماتاخذين.. اموت نفسي وماخذ غيرك كرار ساعدني سوي شي انته املي الوحيد
كرار كام بعصبية:والله اكلب الدنيا واسويها دم على ابوج مو يزوجج غصب...وسد التلفون بوجها وكام لبس وراح طلع وشاف الكل بالصالة كاعدين...
كرار:وين ابوي
رقية:بالديوان يمكن ليش شبيك....
ما كملت عافها وراح دور سويج سيارة ابوه واخذه وطلع وراح صعد سيارة ابوه...
وهشام طالع من الديوان شافه فاتح باب الكراج ويريد يطلع بالسيارة....
هشام راحله:وين رايح ولك....
ماسمع ابوه وحرك السيارة ومشه وهشام يصيح عليه يوكف ماكوو...ومشه بكل سرعة وغضب واتجه لبيت ابو نسمه....
ابوه يتصل قفل التلفون وراح نزل من السيارة وهو غضبان وراح يدك الباب حيييل ويصيح وينكم....
طلعله ابوها وكرار مايعرف شيسوي من غضبه لزم ابو نسمه من ياخته ويصيح عليه ويكله نسمة ماتزوج احد غيري وهسه تتراجع لا احرك بيتك كله الك....
ابو نسمة تخبل كرار جاي بنص بيته ويهدده لزمه ويريد يضربه ويطرده بس كرار ماسمحله يلمسه بطخة ايده وحصله بوكس معدل ابو نسمه...
اجو الولد وخلصو ابوهم من كرار وطاحوله ضرب وهو يدافع عن نفسه........
هشام يدك على ابنه ومايرد وكلش عصب عليه وصار ساعتين من طلع ومايرد...دك تلفونه وشافه كرار ورد عليه بعصبية من سمع صوت غير كرار سكت...
المتصل:حضرتك والد المدعو كرار
هشام خاف:اي خويه خير ابني بي شي
المتصل:انه الظابط باسل ال....... تعال للمركز ابنك محجوز يمنه معتدي على رجال بنص بيته...
هشام كلبه وكف شنو بالمركز وشنو معتدي على رجال بنص بيته كرار العاقل يسويها وليش ومنو هذا وسداه وخابر حازم يجيه....
وراح اخذ سيارة كرار واتجه للمركز ولحكه حازم...راح وكلوله ابنك مشتكين عليه فلان وهيج مسوي وهيج ضارب رجال بنص بيته وهو قدم شكوى عليه...
وسين وجيم ودي وجيب وهشام ظغطه ارتفع من القهر ميدري شيكول وشيسوي وكرار بعده عصبي وميتحاجه لمن رزله ابوه وسكته...
وروح وتعال وتالي هشام شاف شيخ حسين اجه المركز وياه اخوه الي خطب بته لأبنه كرار...
وهاي السالفة وذيج السالفة وهشام اعتذر عن ابنه ولو ما الشيخ حسين جان ماتنازل اخوه عن القضية وصارت سالفة جبيرة وحتى عشائرية...
بس الشيخ حسين حلاها وكل لأخوه يتنازل لخاطر الشيخ هشام لأن يعرفه ويحترمه عزيز عنده شيخ هشام...
وهشام اتشكره واخذ كرار وطلعو من المركز وصلو البيت وهشام شسوة بكرار رزله رزايل وعصب عليه..حتى اخذ تلفونه منه وكله غير للدوام ماكو روحه بعد...
يكله تالي عمري ادخلني مركز علمود سالفة تعبانة ورايح تتهجم على بيوت الناس علمود بتهم يردون يزوجونها همه احرار بكيفهم بتهم مالك نصيب بيها عوفها بحالها...
وعرضهم غالي ولو صايرة هسة مصيبة مالها اول ولا الها تالي والعرض مو شويه مو حب وخرابيط وعندك عادي...
هل الحجي كله كرار ساكت وهادئ ومحجه ولا كلمة تانه ابوه خلص حجيه وعافه وراح غرفته وهو معصب كلش...
كرار:ماشي ياالشيبة انه تشتكي عليه انه الك يا كلب...
مرت يومين وهشام ميحاجي كرار ومعصب منه كلش..وامه تكله زوجه خل يعقل صاير كلش طايش حتى بمراهقته مجان هيج وهو شكد عاقل ومؤدب شجاه...
هشام يكلها شفتي شسوة بالعالم مال زواج هذا ومسؤلية خل يكمل كلية يالله افكر ازوجه...
رقية تروح يم كرار ويعصب ويطردها من غرفته ولا كأنه كرار ذاك الي يشاقه وياها كل يوم ويضحكون ويسولفون...
كرار من البيت للدوام ومن الدوام للبيت ومشاف نسمه داومت هل يومين..ابوه ماقبل ينطي التلفون..انتظر ابوه يطلع وراح دخل غرفته ودور تلفونه ولكاه حاطه بالمجر مالت امه...باوع للمجر وليهسة ادويتها واغراضها بمكانها ممتغير شي.......يتبع
ليست هناك تعليقات:
إرسال تعليق