شــعــر الشعــبــي العراقي

يجي يوم واشوفك تبجي دموع

وعلى فراكي أشوفك حيل مقهور

دنيا الباع بيه يصير مبيوع

عبالك بيه دارت بيك مدور

مثل شمعه تظوي شويه وتموع 

ويظل اظلم طريقك ماكو بي نور

ولاتفكر ابدترجعلي ممنوع

أموت ومااكلك انته معذور

جنت أتمنى اذا فد يوم الكاك 

ولك هسه من أشوفك دمي ايفور 

خذت دور الغشيم وما نفع وياك 

فهمني ولك شاخذ بعد يادور 

يا قطعة لحم الجلاب يتمنوك 

حقك من ورائهم لو صرت مغرور

لا تظحك ولك هذا الوكت دولاب

غدرت اهواي باجر هم ترد مغدور

وميبقالك مكان ومحد ايلفيك 

احسلك دروح اسكن بلكبور

تسمحلي اذبحك واخذ عيونك!!

واشوفن بيك وانت اشوف بعيوني!!

وتسمحلي انسخك وامسح التصوير!!

وحطك وسط عيني واقفل جفوني!!

وتسمحلي اشمك واشهكَ انه وياك!!

... خاطر لايشمك بعدي اي دوني!!

تسمحلي افك كَلبك وانامن بيه!!

خاطر من تجي العذال يلكَوني!!!

وذا تسمح ابوسك واشتعل نيران!!

حتى أنعل والديهم لو يطفوني!!

تسمحلي اشبكَك شبكَت المشتاق!!

واموت من اللطم ويطيحن متوني!!

تسمحلي ابوكَن صورتك بسكوت!!

واحطنها وانوح الليل خلونــــــــــــي

ﺍﺛﻮﻝ ﺣﺒﻴﺐ ﺍﻟﺮﻭﺡ ﻣﻦ ﺍﻻﺑﻲ ﻃﺎﻓﻲ

ﻣﻮﺗﻨﻲ ﻳﺎ ﻫﺎﻟﻨﺎﺱ ﻣﺸﺎﻧﻲ ﺣﺎﻓﻲ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻭﺍﻛﻒ ﺩﻣﺎﻏﻪ

ﺗﺼﻨﻴﻌﻪ ﻣﺎﻝ ﺍﻟﺼﻴﻦ ﻭﻛﻠﻪ ﺑﺎﻏﻪ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻋﻄﻼﻥ ﻣﺨﻪ

ﻳﺼﺮﺥ ﻳﻠﻢ ﺍﻟﻨﺎﺱ ﻟﻮ ﺑﺲ ﺍﻃﺨﻪ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻣﺎ ﻳﻔﺘﻬﻤﻨﻲ

ﻟﻮ ﻛﺎﺭﺛﻪ ﺗﻼﻛﻴﻪ ﻫﻢ ﻳﺘﻬﻤﻨﻲ

ﺍﺛﻮﻝ ﺣﺒﻴﺐ ﺍﻟﺮﻭﺡ ﺍﺻﻼ ﻣﻌﻮﻕ

ﺍﺣﺠﻴﻠﻪ ﺣﺒﻴﺎﺕ ﻳﻜﻠﻲ ﺍﻧﻲ ﺍﺷﻮﻕ

ﺍﺛﻮﻝ ﺣﺒﻴﺐ ﺍﻟﺮﻭﺡ ﺍﺣﻮﻝ ﻣﻄﻔﻲ

ﻛﺎﺑﻠﻨﻲ ﻋﻴﻦ ﺑﻌﻴﻦ ﺑﺤﻀﻦ ﺍﻟﺒﺼﻔﻲ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻋﻨﺪﻩ ﻏﺒﺎﻭﻩ

ﻓﻮﻛﺎﻫﻪ ﺍﺣﺠﻲ ﻭﻳﺎﻩ ﻳﺮﺩ ﺑﻔﻬﺎﻭﻩ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻋﻘﻠﻪ ﻣﺸﻮﺵ

ﺍﺭﻓﻊ ﺍﻟﻬﺎﻧﺪ ﺑﺮﻳﻚ ﺍﻟﻜﺎﻩ ﻣﺒﻮﺵ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻣﺎ ﻋﻨﺪﻩ ﺗﻔﻜﻴﺮ

ﺍﺗﻐﺎﺯﻝ ﺍﻧﻲ ﻭﻳﺎﻩ ﻳﻜﻠﻲ ﻣﺘﻄﻴﺮ

ﺍﺛﻮﻝ ﺣﺒﻴﺐ ﺍﻟﺮﻭﺡ ﺑﻴﻪ ﺻﻔﻨﻪ ﺍﺯﻣﺎﻝ

ﻳﺎﻡ ﺷﺎﻣﻪ ﺍﻏﻨﻲ ﻭﻳﺎﻩ ﻳﺠﺮﻟﻲ ﻣﻮﺍﻝ

ﺍﺛﻮﻝ ﺣﺒﻴﺐ ﺍﻟﺮﻭﺡ ﻻ ﺗﺜﻖ ﺑﻬﺎﻱ

ﻭﻛﻌﻨﻲ ﺑﻨﻀﺮﺕ ﻋﻴﻦ ﺷﻠﻮﻥ ﻟﻮ ﻣﺸﺔ ﻭﻳﺎﻱ

ﺍﺛﻮﻝ ﺣﺒﻴﺐ ﺍﻟﺮﻭﺡ ﺍﺛﻮﻝ ﻣﻄﻔﻲ

ﻃﺎﻟﻊ ﺑﺴﺒﻊ ﺩﺭﻭﺱ ﺣﺴﺒﺎﻟﺔ ﻣﻌﻔﻲ

للتواصل معي ع فيس بوك

https://www.facebook.com/feras.iha