ما صغرت بعين روحــــــك من رحت
شلون گلبك طاوعك ضدي ومشيت
رد الي بداعـــــــــــــــة المني خذاك
ماأحلفك بيه ادري آنــه انســــــــيت
●▬▬▬ஜ۩۞۩ஜ▬▬▬ ●
عليك الناس تسال وينه ما جاك؟؟
شگلهم ولله ماكو اعذار حيـــــرة!!
مريض شوية صرت اتحجج بهـــاي
بمستشفى الغدر شالوا ضميره؟!
●▬▬▬ஜ۩۞۩ஜ▬▬▬ ●
شنو فلمة الوكت شوحيل شد وياي
شما اسولف لواحد يصفن بقـــصتي
من وزع فرح ضم حـــــــصة للماجاي
وانا گبال عينة يــــــــوزع بحـــــصتي
●▬▬▬ஜ۩۞۩ஜ▬▬▬ ●
چنه آنه وياك نوصـــــل للغــــــيــوم
عالگمر چــــانت تطيـــر احـــــلامنه
هسه وين انته صرت لو آنه ويــــن؟
بس دمع شاهد بقه على ايامنه !
●▬▬▬ஜ۩۞۩ஜ▬▬▬ ●
لاتـلعـب ولك صـدگـنـي أشـوّر بـيـك
وتـمـثـل علـي وتـگـول تـهـوانــــــي
ولا تـحلـف بـعـد وتگـلـي قـافـل بيك
وانـت الليـل كلـه تـغــازل بثـانـــــي
●▬▬▬ஜ۩۞۩ஜ▬▬▬ ●
لتـــقيس الصداقه بطـــول الايام
ولا كلـمن ضحكلك يعنـــي حبك
أكو ما يحجي ابد بس گلبه وياك
واكو يسولف وياك وگلــــبه ضدك
●▬▬▬ஜ۩۞۩ஜ▬▬▬ ●
مو ذنب الدمع يحفر بالخــــــــدود
بس هجرك جبرني على المناحه
تريد ارتاح گلي شلـــــــــون ارتاح
هوه اليحبك هم يلگه راحــــــــــه
●▬▬▬ஜ۩۞۩ஜ▬▬▬ ●
اليخونك ابد لا تعتب عليـــــه
ما يسوه العتب دگته شنيعه
عوفه بلا ثمن لتحط سعر بيه
تغش الناس بي لمن تبيـــعه
●▬▬▬ஜ۩۞۩ஜ▬▬▬ ●
لاتعاتبنـي وتـــزيد جرحي نار
آنـي كـلشي لخاطــــرك سويتة
انتة امس كدام شـــماتي نطيت
بية وآني الشوف عينـــــــي انطيتة
جرحي بيدك فوك بيبان الــدروب
كبال شماتي أمس طشيـــــتة
يل تطش بجروحي خلف الله عليك
عمي آني أنسان مـو جكــليتة
●▬▬▬ஜ۩۞۩ஜ▬▬▬ ●
امي من دونچ ابد ما اسوه شي
امي ربتني شكثــــر تعبت علي
امي ماي عيوني لو كالتلي اريد
اعصر بروحي الدمع وانطيها مـي
امي تحت اقدامها تضل الجنـــان
امي هاي الدنيا بيها تبـــــــاركت
امي ما اعرف اوصف امي بيـــش
امي ايه بهيئه انسان انــــــــزلت
●▬▬▬ஜ۩۞۩ஜ▬▬▬ ●
تدري بيه بروحتك ماراح اعيش .
اشلون كلبك طاوعك خليتني .
موش عميه الوادم تشوف الدموع.
وانت هيج بلا ذنب بجيتني .
لو صدك مكسور كلبك ما مشيت .
بسكته لو بهداي جا حاجيتني .
وكتلي رايح لا يظل بالك وراي.
حته اعرفك من صدك مليتني .
ليش خليت الدمع فايض عليك .
ردتك تشوفه اشعجب نسَيتني.
●▬▬▬ஜ۩۞۩ஜ▬▬▬ ●
ﺭﺍﺡ ﺍﻋﻴـﺪ ﺣﺴﺎﺑﻲ ﻭﺍﺑـﺪﻱ ﻣﻦ الجديد
ﻭﺭﺍﺡ ﺍﻗﻴـــﻢ ﻛـــﻞ ﺻــــﺪﺍﻗـــﺎﺕ ﺍﻟﻌـــﻤﺮ
ﺭﺍﺡ ﺍﺑﺴــﻂ ﺑﺎﻟﺮﺑﻊ ﻣﻮ ﺣﺘـــﻰ ﺍﺑــﻴﻊ
ﺍﺭﺩ ﺍﺷــﻮﻑ ﺷﻜﺜــﺮ ﻳﻨﻄــﻮﻧﻲ ﺳــــﻌﺮ
ﻭﺭﺍﺡ ﺍﺣﻄــﻬﻢ ﻛﻠـــﻬﻢ ﺑﻤﻨﺨﻞ ﺟﺒﻴـــﺮ
ﺍﺭﺩ ﺍﺷــﻮﻑ ﺍﻟﻴـــﺒﻘﻪ ﻣﻨﻬﻢ ﻭﺍﻟﻌـــﺒـــﺮ
ﻭﺭﺍﺡ ﺍﺟﺘﻒ ﻟﺴﺎﻧﻲ ﺑﺤﺒــﺎﻝ ﺍﻟﺴﻜﻮﺕ
ﺣﺘـــﻪ ﻣﺎ ﺍﺗــــﻨـــﺪﻡ ﻭﺍﻗﺒـــﻞ ﻋــــــــﺬﺭ
ﻋﻠﻤﺘـــﻨﻲ ﺍﻟﺪﻧﻴـــﺎ ﺧــــﺪﺍﻋﻪ ﺍﻟﻌﻴــﻮﻥ
ﺣﺘـــﻪ ﻟﻮ ﻣﻴـــﺰِﺕ ﺑﻴـــﺾ ﻣﻦ ﺍﻟﺴــﻤﺮ
ﺗﺮﻳـــﺪ ﺍﺛﺒـــﺘﻠﻚ ﻭﺍﺑﺮﻫـــﻦ ﻫﺎﻟﻜــــﻼﻡ؟؟
ﻫــــﺎﻙ ﻃﻠﻌـــﻠﻲ ﺍﻟﻤﻠـــﺢ ﻣﻦ ﺍﻟﺸــكر
●▬▬▬ஜ۩۞۩ஜ▬▬▬ ●
شكد اكسر الخاطر وانت ما موجود
وحزينه الروح صدك وانت مـــو يمي
مثل طفله يتيمه وتيهـــت بالسوك
شما مرت عبايه تكول هــاي امي
●▬▬▬ஜ۩۞۩ஜ▬▬▬ ●
يالناسي العشك بالجذب ما حنيت؟
ولا مر اعله بالك طيف تـــــــــذكاري؟
ايامي المضت ماهزتك فد يــــــــوم ؟
ولا هزك ضميرك تسمع اخبـــــــاري؟
بغيابك صرت شاعر منكسر مهضوم
بيا شعر الاذكرك تشتعـــــــــــل ناري
صرت كلي جمر واحلامي شبت نار
واذا ما صدكت بس اسمع اشعاري
●▬▬▬ஜ۩۞۩ஜ▬▬▬ ●
يلوموني اعله طبعي القاسي مرات
غشــمــة ومـا درو حقهم بــهايــــــة
غشــمة ومـادرو طبعي انـــــه مـحـار
فـرق مــابيـن شكـلي ومـحــــتـوايــة
ويلوموني اعلة طبعي اتكبـر هـــواي
وانـة بـية التـواضـع شــي مـثــــالـي
عـالي ومــا عـليت بـعيـــنـهـم غـيـر
هـم زغـار ويـشوفـني عــــــالــــــــي
●▬▬▬ஜ۩۞۩ஜ▬▬▬ ●
صلب حجي الشماته مايــلاني
وعدل وياك لتظن مايـل انــــــي
اذا يعطش صديقي ماي اله اني
امد روحي اله وارويه بديــــــــــه
●▬▬▬ஜ۩۞۩ஜ▬▬▬ ●
خلـص وكـت الوفـه وبدلنـه الگلـوب
وصفـت بس الخيـانه انت الك عاده
دلينـي اعلـه واحــد عمـره ماخــان
حتى اوصـل لبـابه واطلـب مـــراده
●▬▬▬ஜ۩۞۩ஜ▬▬▬ ●
للتواصل معي على الفيس بوك
فےرآسہ آلتمیمیے
https://www.facebook.com/feras.iha
